Philippians 1
1Christ Jesu nasem Paul le Timothy in, a Philippi a om Christ Jesu sunga misiangte khempeuh le pawlpi kemte ▼▼1.1 Tang ngeina in bishopte
le pawlpi upa teng tungah: 2 Eite Pa Pasian le Topa Jesu Christ tung pana hehpihna le lemna no tungah om ta hen. Lungdamkohna le Thungetna
3 Note kong phawk simin ka Pasian tungah lungdam ka ko hi. 4Note khempeuh ading thu ka nget simin lungnopna tawh ka ngen tawntung hi, 5bang hang hiam cih leh ni masa pen ni-a kipan tu dong lungdamna-thu sungah na kihel den uh hi. 6Note sunga nasep hoih a panpa in Christ Jesu ni dongin a bucing dingin semsuak ding cih ka muang hi. c 7 Ka lungsunga note kong neih nungsangin hih bang zia a lungsim a kong neih ding a man ahi hi; kolbulhin ka om a, lungdamna-thu hu-in ka kipsak zongin note khempeuh in Pasian hehpihna kei tawh na tangkhawm uh hi. 8Note khempeuh Christ Jesu itna tawh kong lunggulh lam Pasian in a thei ding hi. d 9 Ka thungetna in: note itna theihna le a sung thu khenteltheihna ah khang semsema, 10a hoihpen telsiang thei-in Christ ni dong siangtho-in, kawkbanna om loin, 11Pasian minthan nading le a kiphat nadingin Jesu Christ tungtawna hong pai thumaan gah tawh na dim nading uh ahi hi. ePaul’ Sikkhainiangte in Lungdamna-thu Khangsak
12 Tu-in sanggamte aw, kei tunga hong tungsa thu in lungdamna-thu khangsak takpi cih na theih ding uh ka deih hi. 13Tua hangin Christ hanga kol bulh a om ka hilam kumpi inn cingte ▼▼1.13 Ahikeh kumpi innbup
khempeuh le mi khempeuh in theikhawk ta uh hi. 14Kol hong kibulhna hangin Topa sunga sanggamte a tamzaw in Pasian thute hangtak le lau het loin gen ding hanthawnna a ngah zaw uh hi. 15 Mi kimkhatte in enna le kilungsim demna tawh Christ thu hilh uh a, ahi hangin adangte in amau ngimna hoih nei in, a hilh uh hi, cih thumaan ahi hi. 16Hih a nunungte mah in lungdamna-thu a hu dinga om lai ka hilam thei-in itna tawh a hilh uh hi. 17A masa pawl in thutak paii loin, kol bulha ka om sungin buaina tawh kei hong linglawngsak thei ding uh kisa in huaiham sawmin Christ thu a hilh uh hi. ▼▼1.17 A nunung khutgelh pawlkhat in tg. 16 le 17 lumlet uh hi.
18Ahi hangin bang phamawh ahi hiam? A thupi penin, ngimna hoih ahi-a ngimna hoih lo ahi zongin bangbang lamah Christ thu a kihilh nak leh pha zo hi. Hih thu hangin ka nuam hi. h Hihi, ka nuam lailai ding hi. 19Ahang in, note thungetna tung tawn le Jesu Christ Kha in kei hong huhna bangin kei tunga piang thu pen ka suahtakna ▼▼1.19 Ahikeh hotkhiatna
hong suak ding cih ka thei hi. 20Ka pumpi ah nuntakna ahikeh sihna in ahi densa bangin tu-in Christ a kipahtawi theih nadingin a kicing hanna ka nei ding cih maizum loin lawptakin kihehnemna le lametna ka nei hi. 21Kei adingin nuntak, Christ hi-a, sih lah metna ahi hi. 22Pumpi-in nungta lai leng, ka nasepna gah, gah lai ding hi. Tua hi napi bang teelzaw ding ka hi hiam? Ka thei zo kei hi! 23Tua nih saikakin ka om a, paikhia-in Christ tawh omkhawm ding ka lunggulh hi; tua mah nakpi in hoihzaw tham hi. 24Ahi hangin note adingin pumpi-a ka nuntak lai ding kisamzaw hi. 25Hih thu theitel ka hi manin ka nungta lai dinga, upna sunga na khan nading uh le na lungnop nadingun note khempeuh tawh ka omkhawm lai ding hi. 26Tua ciangin note tawh ka omkhawm kikna tungtawnin Christ Jesu sunga na lungnopna uh kei hangin a dimlet ding hi. 27 Bang khatpeuh piang ta leh, Christ lungdamna-thu tawh a kilawm in, ki-ukin na gamta un. Tua hileh hong hawhin note kong mu a, ka om loh kalin note thu ka galzak zongin lungdamna-thu upna hu in, lungsim kikhatin na dingkip uh cih ka thei ding hi; 28note hong langpangte in bangmah lamah hong lausak zo lo cih zong ka thei ding hi. Hih in Pasian in amaute susia dinga note hong hon ding ahi na amaute tungah lim hi ding hi. 29Ahang in, amah um ding bek hi lo, ama ading thuak dingin zong, Christ tang dingin note hong kiphal hi. 30Ka thuaksa bang note in na thuak uh cih na muh nung sangun tu-in thuak ding nei lai ka hilam thei ta un. j
Copyright information for
ZomZIV